Адбыўся вэбінар «Мадэляванне прасторы этнакультурнага выхавання ва ўстанове адукацыі»

Вэбінар на тэму «Мадэляванне прасторы этнакультурнага выхавання ва ўстанове адукацыі» адбыўся 19.03.2020 у Інстытуце павышэння кваліфікацыі і перападрыхтоўкі БДПУ імя Максіма Танка. Правяла вэбінар Кахноўская Алена Вячаславаўна, дацэнт кафедры менеджменту і адукацыйных тэхналогій, кандыдат педагагічных навук.

У рамках вэбінара былі разгледжаны наступныя пытанні:

• этнапедагагізацыя адукацыі;
• этнапедагагічная кампетэнтнасць педагога;
• этнічная культура і яе базавыя складальнікі;
• мадэль прасторы этнакультурнага выхавання (на прыкладзе ўстановы дашкольнай адукацыі);
• арганізацыйна-педагагічныя ўмовы фарміравання прасторы этнакультурнага выхавання.

Удзельнікамі вэбінара сталі педагагічныя работнікі ўстаноў дашкольнай адукацыі Брэсцкай, Гродзенскай, Гомельскай, Мінскай абласцей.

Навіны падрыхтавала Кахноўская А.В.